paksahafat پاک صحافت
Related Articles
ماسکو {پاک صحافت} روس اور یوکرین کے درمیان جاری جنگ میں نقصانات کا سلسلہ جاری ہے۔ روس کے بیلگوروڈ علاقے کے حکمران زلاڈکوف نے کہا کہ اتوار کی صبح یوکرائنی افواج کے حملے میں سرحد کے قریب روسی گاؤں میں ایک شخص زخمی ہو گیا۔
ادھر یوکرین کے علاقے لویف کے حکمراں میکسم کوزٹسکی نے کہا کہ میزائل حملے سے مغربی یوکرین کے علاقے کے بنیادی ڈھانچے کو نقصان پہنچا تاہم ابھی تک نقصان کی تفصیلات معلوم نہیں ہو سکیں۔
ادھر روس نے مشرقی یوکرین پر اپنا دباؤ بڑھا دیا ہے۔ یوکرین کے صدر زیلنسکی کا کہنا تھا کہ ڈان باس میں صورتحال انتہائی سنگین ہے، یہاں روسی فوج جیتنے کی پوری کوشش کر رہی ہے تاہم ہم قابض افواج کو وہاں سے نکلنے پر مجبور کریں گے۔
روسی فوج اس علاقے میں آہستہ آہستہ آگے بڑھ رہی ہے، یہاں کے ایک حصے پر پہلے ہی روس نواز علیحدگی پسندوں کا کنٹرول ہے۔
یوکرین کے لوگانسک علاقے کے حکمران نے ہفتے کی شام کہا کہ ہمیں بڑے حملوں کا خطرہ ہے۔ اس علاقے پر مسلسل حملے ہو رہے ہیں، گیس، پانی، بجلی، سب کچھ ٹھپ ہو کر رہ گیا ہے۔
ادھر امریکا میں روس کے سفیر نے کہا ہے کہ واشنگٹن میں روسی سفارت کاروں کو دھمکیاں مل رہی ہیں اور امریکی انٹیلی جنس انہیں جاسوس کے طور پر بھرتی کرنے کی بار بار کوشش کر رہی ہے۔
سفیر کا کہنا تھا کہ سفارت خانے کی عمارت کے ارد گرد بڑی تعداد میں سیکیورٹی فورسز تعینات ہیں اور سفارت خانے کے عملے کو دھمکیاں مل رہی ہیں جب کہ امریکی انٹیلی جنس ایجنسیوں کے ایجنٹ سفارت خانے کے ارد گرد گھوم رہے ہیں جو روسی سفارت خانے کے سفارت کاروں کی جاسوسی کے لیے بھرتی کر رہے ہیں۔
