paksahafat پاک صحافت
Related Articles
نئی دہلی {پاک صحافت} گجرات کے پنچ محل ضلع کے کلول قصبے میں دو مختلف برادریوں کے کچھ لوگوں کے درمیان معمولی فرقہ وارانہ تصادم کے بعد پولیس نے آٹھ افراد کو حراست میں لے لیا ہے۔
ایک پولیس افسر نے منگل کو بتایا کہ یہ واقعہ پیر 9 مئی کو دیر گئے پیش آیا اور جیسے ہی اطلاع ملی، ضلع سپرنٹنڈنٹ آف پولیس اور دیگر حکام موقع پر پہنچ گئے اور حالات کو قابو میں کیا۔
سولنکی نے بتایا کہ جھڑپ اس وقت شروع ہوئی جب جلوس میں ناچ رہے دو لوگوں میں چھوٹی بات پر جھگڑا ہوگیا۔
انہوں نے کہا کہ اس علاقے میں ہندو اور مسلمان دونوں رہتے ہیں۔ دونوں برادریوں کے کچھ لوگ جلوس کا حصہ تھے۔ معمولی بات پر دو افراد کے درمیان جھگڑے کے بعد دونوں برادریوں کے افراد میں تصادم ہوگیا۔
کلول پولیس اسٹیشن کے سب انسپکٹر ایم کے مالویہ نے بتایا کہ تصادم کے سلسلے میں موقع سے آٹھ لوگوں کو حراست میں لیا گیا ہے۔
پولیس افسر کے مطابق دونوں برادریوں کے افراد نے ایک دوسرے پر پتھراؤ شروع کر دیا، ہم نے موقع پر پہنچ کر ہجوم کو منتشر کیا، دونوں فریقین نے ایک دوسرے کے خلاف شکایات درج کرائی ہیں۔
انڈین ایکسپریس کے مطابق واقعے کے بعد کشیدگی کو کم کرنے کے لیے کلول ٹاؤن میں منگل کو پولیس کو بھی تعینات کیا گیا تھا۔ پولیس نے بتایا کہ جھگڑے میں دولہے کے والد سمیت پانچ افراد زخمی ہوئے۔ پولیس نے واقعہ کا نوٹس لیتے ہوئے دونوں برادریوں کے لوگوں کے خلاف ایف آئی آر درج کر لی ہے۔
