paksahafat پاک صحافت
Related Articles
کابل {پاک صحافت} طالبان کے ظلم کا شکار افغانستان، ہزارہ برادری نے بھی طالبان کی حمایت کا اعلان کردیا۔
افغانستان میں افغان ہزارہ برادری کے رہنماؤں نے طالبان کی حمایت کا اعلان کر دیا۔
اطلاعات کے مطابق افغان ہزارہ برادری کے ایک ہزار سے زائد جنگجوؤں نے طالبان حکومت کی حمایت کرتے ہوئے کہا کہ مغرب کی حمایت یافتہ سابقہ حکومتوں کا سیاہ دور اسلام پسندوں کی واپسی کے ساتھ ختم ہوا۔
افغانستان کی ہزارہ برادری طویل عرصے سے ظلم و ستم کا شکار ہے تاہم جمعرات کو کمیونٹی کے رہنماؤں نے کابل میں طالبان رہنماؤں سے ملاقات کی اور ان کی حمایت کا اعلان کیا۔
ہزارہ برادری کے ایک سینئر رہنما اور سابق رکن پارلیمنٹ جعفر مہدوی نے کہا کہ سابق افغان صدر اشرف غنی کی حکومت افغانستان کا تاریک دور تھا۔
انہوں نے کہا کہ افغانستان میں کوئی آزادی نہیں تھی اور حکومت کے ہر حصے پر غیر ملکی سفارتخانوں کی حکومت تھی۔
جعفر مہدوی نے کہا کہ اگست میں طالبان کے اقتدار سنبھالنے کے بعد سے نئے حکمرانوں نے جنگ ختم کی ہے، بدعنوانی کو روکا ہے اور سیکیورٹی میں اضافہ کیا ہے۔
انہوں نے طالبان سے مکمل حکومت کا مطالبہ کیا اور نئے حکمرانوں پر زور دیا کہ وہ لڑکیوں کے لیے اسکول دوبارہ کھولیں۔
خیال رہے کہ ہزارہ برادری افغانستان کی 38 کروڑ آبادی کا 20 فیصد ہے اور ایک عرصے سے ظلم و ستم کا شکار ہے۔
اس سے قبل طالبان نے 1998 میں مزار شریف سمیت ہزارہ برادری کے کئی شہروں میں بڑے پیمانے پر قتل عام کیا تھا اور ہیومن رائٹس واچ کا کہنا تھا کہ ہزارہ برادری کے کم از کم دو ہزار افراد کو پھانسی دی گئی تھی۔
