paksahafat پاک صحافت
Related Articles
نئی دہلی {پاک صحافت} بھارت میں کورونا وائرس کے نئے کیسز میں مسلسل کمی واقع ہورہی ہے۔گذشتہ 24 گھنٹوں کے اندر ، کورونا وائرس کے تقریبا ڈیڑھ لاکھ نئے کیسز کی اطلاع ملی ہے، جبکہ اس عرصے میں کورونا کو شکست دینے والے افراد کی تعداد اس سے کہیں زیادہ ہے۔
رپورٹ میں بتایا گیا ہے کہ کورونا انفیکشن کی وجہ سے اموات کی تعداد میں بھی کمی واقع ہوئی ہے لیکن پھر بھی یہ مسئلہ تشویشناک ہے۔
ہندوستان کی وزارت صحت کی جانب سے جاری کردہ اعداد و شمار کی بنیاد پر ، پچھلے 24 گھنٹوں کے اندر کورونا وائرس کے کل 1 لاکھ 53 ہزار 347 نئے کیس درج ہوئے ہیں۔ اس کے ساتھ ہی اب بھارت میں متاثرہ کورونا کی مجموعی تعداد 2 کروڑ 80 لاکھ 46 ہزار 957 ہوگئی ہے۔
اس رپورٹ میں بتایا گیا ہے کہ کورونا کے فعال کیسز 20 لاکھ 22 ہزار 103 پر آچکے ہیں جبکہ گذشتہ ایک دن میں 2 لاکھ 37 ہزار 568 افراد کورونا سے ٹھیک ہوئے ہیں۔
گذشتہ 24 گھنٹوں کے دوران 3 ہزار 129 افراد کورونا کی وجہ سے ہلاک ہوگئے۔ اس کے ساتھ ہی اب بھارت میں کورونا کی وجہ سے اموات کی تعداد بڑھ کر 3 لاکھ 29 ہزار 127 ہوگئی ہے۔
