paksahafat پاک صحافت
Related Articles
(پاک صحافت) ٹی 20 ورلڈ کپ میں مایوس کن پرفارمنس کے بعد ویسٹ انڈیز کرکٹ ٹیم کے ہیڈ کوچ فل سمنز عہدے سے مستعفی ہوگئے۔
تفصیلات کے مطابق ویسٹ انڈیز کرکٹ ٹیم کے ہیڈ کوچ فل سمنز اگلے ماہ آسٹریلیا کے خلاف ٹیسٹ سیریز کے بعد عہدے سے مستعفی ہوجائیں گے۔ فل سمنز نے اپنے ایک بیان میں کہا کہ ٹورنامنٹ سے باہر ہوجانے پر دکھ ہے، فینز سے معذرت خواہ ہوں۔ ویسٹ انڈیز کرکٹ کے اندر کچھ غیر معمولی افراد باقی ہیں جن کے بارے میں مجھے یقین ہے کہ وہ ویسٹ انڈیز کرکٹ کے بہترین مفاد میں کام کرتے رہیں گے۔
واضح رہے کہ رواں ٹی ٹوئنٹی ورلڈ کپ کے کوالیفائنگ راؤنڈ میں آئرلینڈ نے 2 مرتبہ کی چیمپئن ویسٹ انڈیز کو شکست دے کر سپر 12 مرحلے کی دوڑ سے باہر کردیا تھا۔ ویسٹ انڈین کپتان نکولس نے کہا تھا کہ ہم نے اپنے مداحوں کو مایوس کیا۔ یہ یقینی طور پر تکلیف دہ ہے۔ میں نے جس طرح کی کارکردگی دکھائی اس سے میں نے اپنے ساتھیوں کو مایوس کیا۔
