paksahafat پاک صحافت
Related Articles
کراچی (پاک صحافت) پاکستان کی مقبول ترین اداکارہ ماہرہ خان اب بہت جلد بھارتی ڈراموں میں بھی جلوہ گر ہوں گی، بھارتی میڈیا کے مطابق بہت جلد پاکستانی اداکارہ ماہرہ خان بھارتی چینل زی ٹی وی کی ڈرامہ سیریز میں نظر آئیں گی۔ خیال رہے کہ بھارتی ڈارمے کی پہلی قسط 15 کو بھارتی ٹی وی چینل زی ٹی وی پر نشر کی جائے گی۔
تفصیلات کے مطابق پاکستانی اداکارہ ماہرہ خان زی چینل کی آنے والی نئی ڈرامہ سیریز ’’یار جولاہے‘‘ میں نظر آئیں گی، ڈرامہ سیریز 12 اقساط پر مشتمل ہے اور پہلی قسط 15 مئی کو ٹاٹا اسکائی تھیٹر میں پیش کی جائے گی جس میں ماہرہ خان پاکستانی شاعر احمد ندیم قاسمی کا کلام پڑھیں گی، ڈرامہ سیریز میں مختلف شاعروں کی نظموں کو پڑھ کر انہیں خراج عقیدت پیش کیا جائے گا۔
واضح رہے کہ واضح رہے کہ اداکارہ ماہرہ خان بھارت میں آخری مرتبہ شاہ رخ خان کی فلم ’رئیس‘ میں نظر آئیں تھیں جب کہ گزشتہ چند سالوں سے مودی حکومت کی انتہاپسندی اور پاکستان نفرت کے باعث پاکستانی اداکاروں کے بھارت میں کام کرنے پر پابندی عائد کی جاچکی ہے۔
